CASO DEL MES / marzo 2018

Poñámonos nun suposto: está de garda nun hospital comarcal, no interior da provincia de Lugo. Na madrugada traen a urxencias a un home de 50 anos que nunca consultara ó médico porque o atopan tirado nun camino diante da casa. Polo que contan os veciños o home é un bebedor moi importante e vive en condicións inasalubres dende que lle morreu a nai que xa era maior.

O paciente refire que a parte de beber "o normal" tamén fuma, e que leva dous meses que está moi canso, pero somos incapaces de sacar máis historia do doente.

Na exploración chama a atención a delgadez do home, está taquipneico con utilización de musculatura accesoria. Ten 39ºC pero mantense hemodinamicamente estable. Auscultación pulmonar crepitantes en todos os campos pulmonares. Non se palpan adenopatías nin adenomegalias. Resto da exploración inocente.

Probas Complementarias: hemograma: leucocitose con neutrofilia e trombocitose. Coagulación: normal. Bioquímica: función renal e ions sen alteracións. Gasometría arterial en ar ambiente: pH7.47, pCO2 30; pO2 55; HCO3 25. Radiografía de tórax (ver imaxe adxunta)

A este doente decidimos ingresalo. As tres preguntas son:

-- Que alteracións observamos na radiografía?

-- Cal é o diagnóstico de presunción?

-- Que probas diagnósticas solicitaría para confirmar/descartar o diagnóstico de sospeita?

---

GANADORES